希望香港人仲記得奧運既精神係「宣掦和平」吧！

當然，好開心見到咁多人為中國加油，咁多人為自己作為中國人而驕傲！一直自稱中國人，鐘意聽到國歌既我好感動！

但係見到當家話事人分豬肉、排已、親疏有別等行為而「眼紅」！

見到有「不智」人對用腳步、聲音等和平方式「挑機」既少數抗議人士動粗、挑釁，好失望！

見到傳媒都站在中國方式睇拎住「雪山獅子旗」就「=」「支聯西藏獨立」的報導，覺得同cnn一樣咁諷刺！

奧運、聖火不只帶俾我地歡樂，真係帶俾香港人一個好好既「集體回憶」，更帶俾我地值得思考既topics！但有幾多人理呢？香港就係咁架啦！:p

但我覺得個baseline係,

「宣揚和平」先係奧運既目的同精神！唔係愛國，唔係賺錢, 唔係共產定民主, 唔係贏輸, 唔係多數少數, 唔係運動員定商界, 唔係本土定外援…..！冇依個共識，我地根本唔ready！

咁就一年lu, 由初初對web 2.0有興趣，於是開domain寫blog、整gallery，到大概半年時間便使它慢慢荒廢。現在不把算把花錢繼續，惟有把它搬到wordpress.com，希望有機會隨筆寫幾句吧！:p

新網址：

http://tobenamed.wordpress.com/

Feedburner (依舊)：

http://feeds.feedburner.com/ToBeNamed

多謝一直有捧場的朋友！:p

出發去芭提雅，好在baby醒目，安排到Ekkamai BTS站附近搭巴士去，為我地慳左唔少交通費呢！

於芭提雅巴士總站落車，就轉搭農夫車去酒店。今次我地住得豪d，住5星級既 Dusit Resort！酒店大堂佈置好靚，而且Baby Book既仲要係間可以看到Pattaya海景既房！

由Bangkok搭巴士去到再去酒店Check-in已經冇左成個朝頭早，攪到Baby join 唔到好想join既local tour 去珊瑚島。Anyway，我地都決定去碼頭博一博！

搭農夫車沿芭提雅海灘去碼頭。

好在，成點鐘都趕到最後一班船(每人一百港紙來回)。趁仲有時間，係碼頭俾baby影d Model 相先！:p

哈哈！不過去到沙灘先知，先發覺唔係我地要去既目的地，不過算數，一樣水清沙幼！

得意係，係搵緊沙灘椅既時候，居然有個差仔問我係係咪由香港黎，跟住就用廣東話同我地講野，於是就幫襯左佢喇！
在陽光和海浪聲中品嚐清甜的西瓜, ok既雞粒炒飯，食完就訓、hea！

超正！我最喜歡曬住黎訓呢！:p

唔識游水既我地都落水玩返餐！:p

夜晚飯都未食，搭船趕返酒店門口既 Let’s Relax Spa 做 Spa！老實講，我鐘意之前既 Thai Massage多d！

做完 spa 仲有芒果椰汁糯米飯同薑茶！

之後再到商場 Royal Garden Plaza 逛逛，最後終於試到泰國出名既日本餐廳 Zen ！

Day 5

最後一日，要一早起身食酒店個自助早餐！Dusit 既早餐超多選擇，而且整得好好味！我地足足食左一個鐘頭！:p

最好味都仲係冬蔭功湯粉！:p

趁Check-out前既少少時間，去enjoy下酒店既泳池跟私人沙灘，再嘆陽光與海灘, 超爽！你睇d相就知有幾正！

之後Check-out 搭之前Baby Book位既車，兩個鐘左右就到機場了。

距離超飛時間仲有幾個鐘，於是將所有行李寄艙後，又去食野！:p

補充句，Bangkok機場入閘後有超勁多舖頭行！可惜我地遲左入去，行唔晒！:p

Happy Ending

返黎香港，真係有d掛住Bangkok，可以又hea，又食，又行，d野又平！好想再去hea多陣！:p

最後，要再多謝Baby安排一個咁正既Trip！~}{~

Day 2

朝早坐幾個站BTS去Siam Paragon，真係大到暈，不過冇乜興趣行，反正裏面都係香港都有既名牌。反而，去左佢地庫個 Food Hall 同 Food Court。嘩！真係超大，Food Hall 有超多唔同佢食肆，最後我地去左Food Court坐底食個lunch！

食物就ok啦，冬蔭冬像擔擔麵，雜丸河、泰式海南雞飯、粉卷味道還不錯，不竟全部才HK$40罷了！:P

吃飽便去了 Siam Paragon 裡面的 Ocean World ，它是全東南亞最大的水族館，雖然入場費每位 HK$1xx，Baby有興趣就一齊入去睇下吧！

一入去，歡迎我地既就係依d水蛇仔，個頭伸下縮下的，有人又要驚又要影，暈~！:p

坐Glass Boat在水族箱的上面兜圈，會有好多唔同品種既鯊魚係下面游來游去！

跟住我地就參觀晒水族館裏面既海洋生物，都已經消磨了兩個多小時呢！其中一個水族箱係可以放個頭入去影相既，Baby幫我影到好靚，但係我幫佢影個張就唔好意思喇！:p

行完 Ocean World ，就到Siam Paragon隔離既年青人商場逛左陣會，見有d攰，我地就坐底食個Tea先！今次就揀左泰國周圍都見到既 Cafe S&P, 有泰菜亦有西餐,非常好咪夾抵食！大家一定要試！:p

食飽飽再搭一個站BTS去Central World Plaza 繼續行, 目的係去拜訪Arsenal專門店！:p 很喜歡行Central World，舖頭大之餘，雖然品牌都係我不知道的，但佢地賣既野都好以好靚咁，淨係Window Shopping都抵啦！:p

行完再係Cettral World食多個晚飯，已經唔得間野叫咩名，但係都幾好味！點左道 Thai Vegetables 既菜，原來係「泰菜」係咁既，真係第一次食！

行完食完，對腳好似唔係自己咁。好在Baby一日Book左Thai Massage o者！醒！間野叫Bodytune，BTS轉車站一出就係，我就覺得超正喇！雖然乜高難度動作都冇做，但就勁舒服！正！

Day 3

第三日Baby安排左一個觀光遊，要遊河、參觀佛寺、皇宮芸芸。我地先坐Tourist Boat遊覽貫穿曼谷既昭拍耶河，拍下幾張河兩岸既景色，大都是水上舊屋，很地道呢！

我地係臥佛寺站落船, 然後轉搭渡輪到對岸的鄭王廟！據Baby說：「鄭王廟又稱黎明寺, 據說因為此寺在黃昏金黃色的光線照射下會顯得非常美麗而得名。」

唔！的確是一個很特別的建築！你地睇下d相就知架喇！

依張係Baby幫我影既相，超鍾意！果然係好有潛質既攝影師呀！

行上塔都幾辛苦架，要手腳並用爬上70度既樓梯！

上山容易，落山難！

接著就去拜訪臥佛了，記住入寺要除鞋啊！佛像不是很大，得很「長」。裏面太多柱，很難拎角度影佢呢！:p

雖然趕住去大皇宮(當初以為三點幾關門，原來只係停止售票)，但係兩點幾都未有過野落肚，應為食既Baby要求，再去河邊既 S&P 食番餐！野食同野飲都非常正呢，再加埋河景、Relax 既環境，超正！

食完野，三點半前趕去大皇宮，途中有點兒迷路去了一個都幾靚、但係唔知係邊度既地方！

三點半停止售票前趕到了大皇宮，全部都係金色既，而且所有建築物都很有details，幾特別！不過d相真係反映唔到現場真係有幾金、有幾閃！

行完皇宮，下一站就係靠山路，見近近地，於是行過去！靠山路係廉價住宿, 旅行社集中地，所以見鬼多過見泰仔！佢有d似香港女人街，賣平T、手信、紀念品等做遊客生意，蠻熱鬧的！

連麥當奴叔叔都同我地sawadeeka！:p

行到咁上下，就打的去唐人街買手信！唐人街兩旁都是賣吃的，海鮮、燕窩、串燒、泰菜的街舖和路邊攤檔到最後我地都係決定豪埋佢，去間老牌食店吃魚翅，不過三、四百港紙有啖啖魚翅，都幾抵！:p

食完野，就要完成去唐人街既重要任務，去「林真香」買手信！我同baby一人執d咁就執左成箱零食小吃返香港孝敬d親朋戚友！

跟住同baby決定打的返酒店放低d手信，再出發去前一日未行夠既 Central World Plaza！不過講真，係陪baby行 NaRaYa 多d！:p

Toy’r'us 既長頸鹿又同我地sawadeeka！:p

行完Central Wolrd 緊要影張相(不過兩袋都係Baby既戰利品先真！:p

Central World 出面既廣場攪既functions，有啤酒、有小食，氣氛比前天既suan lum夜市仲熱鬧！不過我地冇機會試了，下次啦！

之後再到超大既超市「Big C」，買左d零食，Lays既冬蔭功薯片超好味！正！

當晚其實有點兒不捨得Bangkok，因為好想繼續Shopping、行街、睇野！:p

待續 Day4-5 芭提雅之旅…

為答謝佢，特意憑blog致意，把我們這個開心，狂Hea的旅程紀緣下來！:p

Day 1

有「無人駕駛」唔搭，兩個傻人由T1徒步行到40號Boarding Gate，為勁Hea而無憂既泰國之旅揭開序幕。

坐泰航出發，佢既飛機餐都唔錯喎！Yumi :p

臨落機，空姐仲每人送左朵花，歡迎大家黎到泰國！Sawadee Khup！:p

抵達泰國新機場…咁就係「新機場」？同香港冇得比啦，仲要整到好似監獄咁，上層整到好似會有人監視你一樣，快走為上著！

搭半個鐘的士就到左我地係曼谷既酒店 I-Residence！
雖不是又大又Grand既酒店，但房間都很新淨、清潔、舒服，價錢又抵(每人~HK$200)、又方便(出門口就係 BTS 既 Chong Nonsi 站)。Baby真醒目！:p

放低晒D野，兩口子就出發了！
先從Chong Nonsi 站出發(之後幾日都經常在這個車站上車呢，所以要拍照留念啊！)，搭 BTS – SkyTrain 再轉 MRT (地下鐵)去 Suam Lum 夜市！

Suan Lum 依個夜市真係超大，行到腳都破！係就係乜都有得賣，但係唔係我杯茶！

不過 Suan Lum 既 Beer Garden 就唔錯，地方大之餘，氣氛亦很好，飲野傾偈一流！
晚餐我地揀左冬蔭功、蠔餅跟炒飯，可惜依度三樣食物都唔掂，尤其對個冬蔭功大失所望，可惜！不過杯啤酒就幾好飲喎，第一次飲依個德國牌子 – Weihenstephan，正！
(個度一邊係賣野食既，一邊係賣野飲既，所建議大家去齋飲野吧啦！)

行完夜市，我又勁肚餓了。順道去了旅遊書有介紹位於 Silom 的 Bug & Bee 吃宵夜。嘩！依個冬蔭功係我成世仔食到最好味既一個，又夠辣、又夠香，我成碗清晒呢！超好呆，諗起都想再食多個！:p

原來要寫遊記真係好花時間同精神既，所以Day 2-5 待續…

女友突然有份參加依個音樂會的演出，所以拎到一張飛。於是尋晚一個人去左睇演唱會，亦展開一個好鬼「橋」o既晚上。

很喜歡整個音樂會，比我預期中的更精彩呢！原來當香港其中六位當紅的歌手同台演出，這是多麼的難得場面呢！

Eason
我自己當然最喜歡 Eason，佢唱慢版既《第二最愛 》超超超…正！超快版既《二丁目》就唱得非常抵死，勁攪笑！《花灑》即興的以吹口哨代替「LaLaLa, LaLaLa…」跟安仔、基仔三人搭晒膊頭地唱，感覺很好！

基仔
基仔方面，第一首的《藍天與白雲》一出場既時候支咪就「冇聲」，佢都好醒咁同全場觀眾一起拍手打拍子，等到換左支咪，佢又扮返返入後台再出過黎，勁好笑！另外，佢為在其中一Part《十年來大家賺到了什麼》中為觀眾帶來佢最新大碟我其中兩首很喜歡的歌 -《錢錢錢錢》、《十蚊雞流浪記》。唱《十》時更把林夕譜既詞大大隻字 Show 出黎，不過以大家既反應來看，在這全民皆股的時勢，未必會道出它們的道理，可惜！

致敬
演唱會當中又播出紀念香港幾位Legend – 羅文、張國榮、林掁強、梅豔芳、黃霑的片段跟歌曲，給香港人藉這次機會再向他們致敬，勁Touching！

嘉賓
另外，HOCC既表演很能感染觀眾，祖兒歌聲一貫的好，千嬅、安仔就稍為失色了。最後六位都出來以《願》謝幕之後，大家都起身走緊既時候，特別嘉賓 – 林憶蓮走出來，大家都被 Surprise 了！

Enjoy Myself Tonight
一個人睇演唱會，一個人係度叫「Eason」、「基仔」、「Yeah!」、「Wow! 」，一個人起身、拍手、un身un勢，好一晚的 Enjoy myself tonight！:p

遲開場
兩次去 Asia Expo 聽拉闊，兩次門票寫8:15開場，但兩次都等到8:45之正式開始。唉！雖然係體諒觀眾「山長水又遠」入黎Asia Expo，但都唔洗等半個鐘吧？咁樣長此下去，只會為那班「遲到王」製造一個非常壞的不明文藉口，對準時到場「白等半粒鐘」的人很不合理，希望 Production House 關注一下吧！

緣份？
一個人走，排隊打算搵E22A之時，諗諗下都係搭特別車X22，轉身一走，就聽到一把聲叫我，原來是兩位中學認識的朋友，那就回去跟他們一起搭E22A了。又話說他們是我其中兩位較常碰到的友，跟他們提起我也時常碰到我舊老闆時，誰不知電話就響起一個不知名的Call，一聽原來就是我舊老闆，嘩！真係唔好講人！多得佢，仲車埋我返黎添，真係Thank you佢！

唔知大家有冇一D經常撞到既朋友呢？有就要珍惜依種綠份喇！

就這樣過了一個精彩夾「橋」的晚上！:P

本來完全沒留意的奧運火炬手香港區遴選，因為有兩位認識的人同時能夠入選而令我非常雀躍！

大家快去投票吧：「Samsung 奧運火炬手」網上公投。

如果大家沒有心水的話，煩請投票給本人極度推介的香港區候選人8號或9號吧！

謝！

[截止日期： 10月18日]

短評幾句吧！

拍攝手法特別，

故事耐人尋味，

節奏緊張刺激 ，

結局出人意表，

N95影相一流！:p

若果你喜歡 Entertaining 跟有 twist 的電影，勸你放棄《色戒》看《C+偵探》吧！

電影預告片

[評分：8/10]

Prison Break Season 3 已經做左兩集又未追！

網球王子仲有成廿幾期未睇！

好想快d追返晒你地，你地要等我呀！:p

所以這幾天在公司聽別人跟自己的對答時，腦內不時浮現出雙方的語害和謬誤，很有趣！

能對思考作出思考，感覺真是很特別！ :p